TIRANË: Ditën e sotme është raportuan një vjedhje në zonën e Rinasit. Sipas njoftimit të Policisë në orët e para të mëngjesit është vjedhur një makinë tip ”Range Rover’. Pasi ishte i parkuar në parkingun e Aeroportit, autorët kanë bërë të mundur hapjen e makinës e më pas kanë përdorur pajisje të ndryshme për bllokimin e GPS-it. Sakaq para pak orësh është bërë e mundur gjetja në garazhin e një pallati, në Astir, e automjetit të vjedhur, i cili u sekuestrua në cilësinë e provës materiale.
Policia po punon për të identifikuar autorët e ngjarjes.
NJOFTIMI I POLICISË:
Shërbimet e Komisariatit të Policisë Rinas, pas kallëzimit nga një shtetas, për vjedhjen e automjetit të tij “Range Rover” nga parkingu i aeroportit “Nënë Tereza”, bazuar në informacionet e siguruara nga inteligjenca informative, na bashkëpunim me Seksionin për Hetimin e Krimeve të Rënda të DVP Tiranë, kanë organizuar punën për zbardhjen e vjedhjes së këtij automjeti.
Nga veprimet hetimore është bërë i mundur identifikimi i 2 autorëve të dyshuar të vjedhjes së automjetit tip “Range Rover”, shtetasve E. M., 36 vjeç dhe B. H., 42 vjeç, të dy banues në Tiranë.
