BERAT:Një aksident ka ndodhur pasditen e sotme në Berat. Mësohet se një makinë tip ‘Benz’ është përplasur në një kryqëzim me dy makina të një filiali banke. Nga informacionet thuhet se drejtuesi i mjetit tip Benz ka tentuar që të largohet nga vendngjarja por është kapur pas disa minutash nga Policia, është konstatuar që ky i fundit ishte në gjendje të dehur dhe dyshohet se ky ka qenë shkaku i aksidentit. Fatmirësisht nuk ka pasur persona të lënduar nga përplasja por vetëm dëme materiale.
