TIRANË: Nxënësit e shkollave në të gjithë vendin përfundojnë këtë vit ciklin mësimor në datë 14 Qershor. Sa i takon vitit të ri arsimor 2023-2024 ai do të fillojë në datë 11 Shtator. Kjo është ajo që ka bërë me dije Minisitria e Arsimit ditën e sotme. Ndryshimi në vitin e ardhshëm është edhe mosha e nisjes së klasës së parë. Sipas ndryshimeve, një fëmijë mund të regjistrohet në klasë të parë pa mbushur 6 vjeç, por kushti është që të mbushë 6 brenda 31 Dhjetorit të atij viti kalendarik.
Sakaq, nxënësit e arsimit të detyruar 9-vjeçar do të kenë dy periudha pushimesh. Periudha e parë e pushimeve do të jetë në fundvit, ndërsa periudha e dytë do të jetë në javën e parë të muajit Prill. Sipas vendimit të marrë, provimet kombëtarë të arsimit bazë do të zhvillohen ndërmjet datave 17-18 Qershor. Nxënësit do të testohen në lëndët Matematikë, Gjuhë e Huaj dhe Gjuhë Shqipe.
