TIRANË: Tanimë në krye të skuadrës së Partizanit do të jetë kroati 49-vjeçar Zoran Zekic, pas një marrëveshje të firmosur ditën e sotme. Klubi i kuq ka nisur këtë të hënë zyrtarisht përgatitjet për sezonin e ri futbollistik dhe synimi i vetëm është mbrojtja e titullit kampion. Natyrisht, fokusi do jetë edhe nga merkato, ku do kërkohet të afrohen elementë cilësorë, të aftë për të përballuar të gjitha kompeticionet.
DEKLARATA E FK PARTIZANI:
“FK Partizani zyrtarizon arritjen e marrëveshjes me trajnerin Zoran Zekiç. 49 vjeçari nga Kroacia, i cili do të drejtoj kampionët e Shqipërisë në sezonin e ri 2023-2024, është prezantuar sot nga presidenti Gazment Demi dhe drejtori sportiv Arbër Abilaliaj. Në sezonin e fundit Zekiç ishte pjesë e ekipit Slaven Belupo, ndërsa përgjatë karrierës si trajner ai regjistron edhe eksperienca në drejtimin e Sheriff Tiraspol, Osijek, Diośgyőr dhe Maksimir. Zekiç vjen në drejtimin e 17-të herë kampionëve të Shqipërisë për të nisur një projekt ambicioz dhe fitues. Sot skuadra nis zyrtarisht përgatitjet për sezonin e ri futbollistik”
