ITALI– Personi që shihni në foto është Klajdi Mjeshtri, 28-vjeçari me origjinë shqiptare, i cili një ditë më parë vrau me grushte italianin Guiseppe Tucci, 34 vjeç pas një sherri të nisur mes tyre ku Mjeshtri dyshonte se italiani i ngacmonte të dashurën. Mediat fqinje shkruajnë se i riu e goditi italianin në një lokal nate ku Mjeshtri punonte si bodyguard.
Në lokalin ku shqiptari punonte klientet ishin ankuar disa herë se Tucci i ngacmonte, një prej tyre ka qenë dhe e dashura e të riut. Sipas dëshmitarëve në vendin e ngjarjes Klajdi Mjeshtri e goditi plot 50 herë me grushte në fytyrë e kraharor italianin duke i shkaktuar vdekjen.
Mediat italiane e përshkruajnë 28-vjeçarin si një të ri me fizik të fuqishëm, me tatuazhe në trup por dhe të sjellshëm dhe të shoqërueshëm me të tjerët.
Klajdi deri para disa vitesh ishte arbitër futbolli. Ai ndaloi në vitin 2019, për të ndjekur angazhime dhe pasione të tjera. Pra, ka pasur një rol që i duhej të menaxhonte emocionet, të vetes dhe të lojtarëve. 28-vjeçari do të dalë para Gjykatës ku do të njihet me masën e sigurisë. Kjo ngjarje mund ta dënojë shqiptarin me më shumë se 15 vite burg.
