KRUJË– Drejtuesi teknik i firmës që kryente punimet në jnë pallat në Krujë ku një ditë më parë ra ashensori duke dëmtuar rëndë dy punëtorët është vënë në prangat e Policisë këtë të martë. Përmes një njoftimi për mediat Policia bën me dije se 48-vjeçari i identifkuar me inicialet M.B do të merret në pyetje dhe se çështja i ka kaluar Prokurorisë. Një ditë më parë dy persona mbetën të lënduar pasi ashensori ku ata punonin ra. Mësohet se ata ndodhen në spital nën kujdesin e bluzave të bardha.
NJOFTIMI I POLICISË:
Specialistët për Hetimin e Krimeve të Komisariatit të Policisë Krujë arrestuan shtetasin M. B., 48 vjeç, banues në Tale, Lezhë, drejtues teknik i një firme ndërtimi. Ditën e djeshme, në lagjen “Zim Zenel”, Krujë, në një pallat që ndërtohet nga një firmë me drejtues teknik shtetasin M. B., gjatë procesit të punës për montimin e ashensorit, është shkëputur platforma e ashensorit dhe si pasojë janë dëmtuar shtetasit A. B., 52 vjeç dhe shtetasi turk Z. S., 50 vjeç. Dy të dëmtuarit ndodhen në spital, nën kujdesin e mjekëve.
