POGRADEC– Një 19-vjeçar i identifikuar me inicialet R.B është shpallur në kërkim nga Policia e Pogradecit pasi pas një konflikti për motive të dobëta ka goditur me sende të forta në trup një 31-vjeçar. Ky i fundit ndodhet në spital nën kujdesin e mjekëve. Ndërsa një 35-vjeçar është vënë nën hetim pasi akuzohet se ka kanosur në rrjete sociale një 34-vjeçar. Materialet i kaluan Prokurorisë për hetime të mëtejshme.
NJOFTIMI I POLICISË:
Specialistët e Komisariatit të Policisë Pogradec referuan materialet në Prokurori dhe shpallën në kërkim R. B., 19 vjeç, banues në fshatin Çezmë e Vogël, Pogradec, pasi gjatë një konflikti për motive të dobëta, dyshohet se ka goditur me sende të forta në trup, një 31-vjeçar, i cili ndodhet në kujdesin e mjekëve. Vijon puna për kapjen e 19-vjeçarit. Po këta specialistë referuan materialet në Prokurori ku filloi procedimi në gjendje të lirë për F. H., 35 vjeç, banues në Pogradec, pasi dyshohet se ka kanosur nëpërmjet rrjeteve sociale, një 34-vjeçar. Sipas policisë, materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
