ITALI-Tragjike në Itali. Raportohet se një 23-vjeçar shqiptar ka humbur jetën pasi ka rënë aksidentalisht nga një shtyllë e tensionit të lartë në zonën e Brescias. Mediat italiane shkruajnë se ngjarja ka ndodhur ditën e djeshme rreth orës 16:30 në Castegnato, pranë një kompanie me seli në via Padana Superiore, jo shumë larg një koncesionari të njohur.
Ndërkohë i riu shqiptar, identiteti i të cilit nuk është bërë i ditur ishte punonjës i një kompanie të jashtme nga ajo që zotëron fabrikën, pranë së cilës ndodhi tragjedia. Ai është rrëzuar ndërsa ndodhej në një strukturë rreth 50 metra të lartë duke gjetur vdekjen në vend. Policia po heton ngjarjen.
