TIRANË– Kryeministri Edi Rama është nisur mesditën e kësaj të mërkure drejt Italisë ku do të marrë pjesë në në ceremoninë e lamtumirës së ish-kryeministrit italian Silvio Berlusconi, i cili ndërroi jetë në moshën 86-vjeçare pas një sëmundje të rëndë.
Ceremonia mortore do të mbahet në orën 15:00 në Piazza Duomo dhe do të drejtohet nga kryepeshkopi i qytetit Mario Delpini. Pritet që në cerenmoni të marrin pjesë rreth 2 mijë persona, mes të cilëve dhe personalitete të larta shtetërore nga mbarë bota, personazhe publikë, biznesmenë dhe artistë.
