TIRANË– Plagosje me thikë në Tiranë. Raportohet se një 51-vjeçar i identifikuar me inicialet S.Z ka plagosur me thikë një 34-vjeçar në zonën e “Zogut të Zi” në vendqëndrimin e taksive. Mësohet se ngjarja ka ndodhur pas një konflikti për motive të dobëta mes dy personave. I plagosuri ndodhet në spital ndërsa autori është shpallur në kërkim dhe po punohet për kapjen e tij.
NJOFTIMI I POLICISË:
Goditi me mjet prerës një shtetas, identifikohet dhe shpallet në kërkim autori i dyshuar. Shërbimet e Komisariatit të Policisë Nr. 2, pas marrjes së njoftimit se ditën e sotme, në afërsi të Zogut të Zi, gjatë një konflikti për motive të dobëta, një shtetas kishte goditur me mjet prerës thikë shtetasin E. Sh., 34 vjeç, kanë organizuar punën për identifikim e autorit të dyshuar dhe kanë shpallur në kërkim shtetasin S. Z., 51 vjeç, banues në Tiranë. Nga veprimet hetimore të kryera ka rezultuar se shtetasi S. Z., ditën e sotme, në vendqëndrimin e taksive në afërsi të Zogut të Zi, gjatë një konflikti ka goditur me mjet prerës thikë shtetasin E. Sh. Si pasojë shtetasi E. Sh, është dëmtuar dhe aktualisht ndodhet në spital, nën kujdesin e mjekëve. Vijon puna për kapjen e shtetasit S. Z. Materialet i kaluan Prokurorisë, për veprime të mëtejshme procedurale.
