TIRANË– Deputeti i Partisë Demokratike Flamur Noka i është përgjigjur “flakë për flakë” ministres së Shtetit për Standartet dhe Shërbimet Milva Ekonomi sa i përket përfshirjes së administrates publike në fushatë dhe për aplikacionin “Aktivisti” të PS-së. Noka e cilësoi Ekonomin si të keqpërdoriur si dhe nxorri pamjet sesi drejtorët janë angAzhuar në fushatë me ministrat. Sipas deputetit demokrat administrata është terrorizuar.
Flamur Noka: Je një militante e përdorur. Je keqpërdorur për afera dhe për çështje politike, i ke shërbuar shtetit. Në forumet e partisë tuaja bëni recitime, vidhni por për administratën publike jo, e dini shumë mirë aplikacioni i aktivistit, duhet të kesh një guxim të tejskajshëm të pohosh se aplikacioni e kanë plotësuar, jo administrata. Administrata është terrorizuar, edhe patronazhisti edhe aktivisti ta kanë denoncuar. Por s’keni fytyrë. Dilni pa turp dhe thoni se e zeza është e bardha. E pastaj dilni këtu e thoni e bardha ështe e zezë. Por raporti i ODIHR të thotë që janë shpërdorur burimet njerëzore të administratës, është bërë presion mbi administratën. Ju nuk keni ndjeshmëri ndaj kësaj. Ta citon edhe Parlamenti Evropian, por ju nuk keni ndjeshmëri, sultan Surreli, çmenduri thoni; as skuqeni e as zverdheni. Këtu ministrat në fushatë, i ke qëndra shendetësore në breg të lumit. Kjo qendra, drejtuesi i kësaj qendre çfarë është? Share dhe like ministres suaj. Ndaj mos flisni për përralla, vjedhje parash se e keni shndërruar administratën në një strukturë militantësh, e keni vrarë dhe e keni sjellë në një organizatë kriminale për Rilindjen. Por babëzinë, hajdutërinë dhe vjedhjen nuk ua pranojnë shqiptarët.
