TIRANË– Pas përfundimit të mandatit të saj si ambasadore e Shteteve të Bashkuara të Amerikës në Tiranë, Yuri Kim pritet të marrë një nga pozicionet më të rëndësishëm në Departamentin e Shtetit, atë të zëvendës ndihmës sekretares për Çështjet Evropiane (dhe ushtruese e detyrës së ndihmës sekretarit derisa të konfirmohet Jim O’Brien), duke filluar nga 10 korriku. Departamenti ër Çështjet Evropiane është një nga më të rëndësishmit në DASH.
Ndërkohë ditën e mërkurë, më 21 qershor, ambasadorja Kim ka paralajmëruar dhe një konferencë për shtyp në ambientet e ambasadës, që pritet të jetë e fundit e saj në këtë detyrë. Yuri Kim mbërriti në Tiranë si Ambasadorja e Shteteve të Bashkuara të Amerikës në Republikën e Shqipërisë në janar 2020. Ambasadorja Kim, një diplomate karriere, ka punuar mbi sfida kyçe të politikës së jashtme dhe sigurisë kombëtare në mbarë Europën, Azinë dhe Lindjen e Mesme.
