TIRANË– Kolegji Zgjedhor ka vendosur këtë të enjte ripërsëritjen e zgjedhjeve për kreun e Bashkisë së Rrogozhinës. Raportohet se Kolegji ka vendosur të pranojë kërkesat e koalicionit “Bashkë Fitojmë”. Më herët janë rinumëruar votat për kryebashkiakun e Rrogozhinës. Më 5 qershor rezultati nuk ndryshoi, ndërsa diferenca mes kandidatëve u ngushtua, me 21 nga 30 vota.
Kujtojmë se dhe pas rinumërimit të kutive Edison Memollaj grumbulloi 5129 vota, ndërsa Shkëlqim Hoxha 5108 vota. Ndërkohë koalicioni “Bashkë Fitojmë” ka kërkuar më parë që kutia e burgut të shpallet e pavlefshme.
