TIRANË– Nderim Cami, me detyrë efektiv në Komisariatin nr.4 në kryeqytet është pezulluar këtë të premte nga detyra me urdhër të Agjensisë së Mbikqyerjes Policore (AMP) pasi akuzohet se ka shoqëruar pa arsye një qytetar në Komisariat si dhe e ka dhunuar. Sipas AMP-së Cami e ka dhunuar qytetarin brenda ambienteve të Komiaariatit.
Ngjarja ka ndodhur në dhjetor të vitit 2022. Për të shmangur pasojat, efektivi Ndërim Cami ka dorëzuar një kallëzim ndaj të shoqëruarit të identifikuar me inicialet Z.Z, duke e akuzuar për kundërshtim të punonjësit të policisë. Polici akuzohet për veprat penale “Kryerja e veprimeve arbitrare” dhe “Kallëzimi i rremë”.
