LEZHË– Gazmir Zhuka, 46-vjeç me detyrë efektiv në Pikën e Kalimit Kufitar Hani i Hotit është viktima e aksidentit të rëndë të regjistruar rreth mesditës së sotme në aksin Lezhë-Shkodër, në fshatin Balldre. Mësohet se në momentin e aksidentit 46-vjeçari ishte jashtë shërbimit. Aksidenti ishte i fortë pasi makinat ishin bërë “copash” dhe pjesët e tyre ishin përhapur kudo rreth vendngjarjes. Drejtuesi i automjetit tjetër është një qytetar serb i cili nuk ka marrë dëmtime dhe ndidhet në spital nën kujdesin e bluzave të bardha.
NJOFTIMI I POLICISË:
Rreth orës 11:30, në aksin rrugor “Lezhë-Shkodër”, në Balldre, janë përplasur automjeti me drejtues shtetasin G. Zh., 46 vjeç, banues në Tiranë (punonjës policie, jashtë orarit të shërbimit) dhe automjeti me drejtues shtetasin serb D. P., 30 vjeç. Si pasojë, ka marrë dëmtime të rënda fizike, shtetasi G. Zh. i cili është transportuar në spitalin rajonal të Lezhës, për të marrë ndihmë mjekësore, por ka humbur jetën. Grupi hetimor vijon veprimet në vendin e ngjarjes, për sqarimin e plotë të rrethanave të këtij aksidenti.
