MALIQ– Moti i keq që ka përfshirë vendin prej mbrëmjes së djeshme e që vijon dhe këtë të premte ka shkaktuar dëme të mëdha në disa fshtra të Maliqit. Raportohet se disa banorë në fshatrat Zëmblak dhe Shamoll e kanë kaluar natën jashtë.
Reshjet e dendura të shiut që vijuan dhe me stuhi shkaktuan përmbytje në disa rrugë të fshatrave duke hyre dhe brenda disa banesavs. Banorët shprehen se nuk kishin mundësi të shpëtonin asgjë pasi gjithçka ndodhi shumë shpejt.
Ata kanë kërkuar ndihmë nga institucionet shtetërore. Ndërkohë Emergjencat Civile ju kanë ardhur në ndihmë qytetarëve duke ndërhyrë në hapjen e rrugëve të bllokuara. Përrenjtë që vërshuan nga shtretërit shkaktuan dëme dhe në varrezat e fshatit Zëmblak.
