TIRANË– Kryetari i Partisë Demokratike Sali Berisha ka dënuar ditën e sotme sulmet e ndodhura në veri të Kosovës. Në një postim në Facebook kreu i PD ka shpërndarë një video ku shihet momenti që sulmohet gazetarja e RTV Dukagjinit.
Kryedemokrati shkruan se presidenti serb Aleksandër Vuçiç me këto veprime po kërkon destabilizimin e Kosovës. Më tej lideri demokrat u ka bërë thirrje ndërkombëtarëve që të ndërhyjnë.
Berisha më tej se sulmet terroriste dhe destabilizuese të bandave kriminale serbe janë të dirigjuara direkt nga Beogradi ndaj policisë së Kosovës, misionit të Euleksit mediave si dhe bllokimin banditesk të rrugëve.
POSTIMI I SALI BERISHËS:
Serbomadhi Vuçiç vazhdon haptas përpjekjet për destabilizimin e Kosovës. Të dashur miq, banda të armatosura kriminale serbe të orkestruara direkt nga Beogradi sulmuan gjatë natës me bresheri njësitë në detyrë të policisë së Kosovës dhe hodhen granata kundër njësive të Euleksit, gazetarëve dhe ekipit të Televizoinit Dukagjini të Prishtinës në Rudar të Zveçanit. Këto banda kanë bllokuar rrugë kryesore në veriun e vendit. Dënoj me forcën më të madhe këto sulme terroriste dhe destabilizuese të bandave kriminale serbe të dirigjuara direkt nga Beogradi ndaj policisë së Kosovës, misionit të Euleksit mediave si dhe bllokimin banditesk të rrugëve. Mbështes plotësisht autoritet e Kosovës në qëndrimez e tyre për garantimin e integritetit teritorial, sovranitetit, rendit, sigurisë së vendit të tyre. I bëj thirrje komunitetit ndërkombëtar të ndëshkoj qëndrimet luftënxitëse të kordinuara me Kremlinin të presidentit të serbomadhisë Vuçiç dhe bandave të tij kriminale në veriun e Kosovës.
