TIRANË– Vijoijnë kontrollet në e Policisë së Shtetit në të gjithë vendit sa i përket masave për sigurinë në fundjavë në lidhje me ndotjet akustike. Përmes një njoftimi për mediat ku ka ndarë dhe pamjet e aksionit Policia bën me dije se tre pronarë biznesesh në zonën e “Bllokut” në Tiranë janë vënë në hetim për shkak të muzikës së lartë pas orës 24:00. Ndërkohë në Vlorë pronari i lokalit ka kundërshtuar urdhrin e Policisë. Materialet u referuan në Prokurori.
NJOFTIMI I POLICISË:
Policia e Shtetit. Vijon zbatimi i masave për rritjen e parametrave të sigurisë në fundjavë. Grupe kontrollli në të gjitha qendrat urbane dhe zonat bregdetare, për parandalimin e ndotjes akusitke. Zbatimi i masave është monitorur nga Drejtoria e Përgjithshme e Policisë së Shtetit. Gjatë kontrolleve evidentohen 6 raste dhe procedohen penalisht 6 shtetas, pronarë dhe menaxherë të disa subjekteve, që prishën qetësinë publike duke shqetësuar banorët, pasi kishin vënë muzikë të lartë në ambientet e lokaleve të tyre. 5 raste janë evidentuar në Tiranë dhe 1 rast është evidentuar në Ksamil. Policia ka sekuestruar pajisjet që gjenerojnë muzikën. Ndërsa në qarqet e tjera, pronarët e lokaleve në orën 24:00, kanë zbatuar ndalimin e muzikës sipas ligjit.
Strukturat e Policisë së Shtetit, në zbatim të Planit të Masave me qëllim rritjen e parametrave të sigurisë gjatë fundjavës, e kryesisht parandalimin e ndotjes akustike, si dhe në zbatim të detyrave të lëna nga Drejtori i Përgjithshëm i Policisë së Shtetit, gjatë mbledhjes me drejtuesit qendrorë dhe vendorë të Policisë, kanë intensifikuar kontrollet në të gjitha lokalet dhe hotelet që gjenerojnë muzikë me qëllim zgjidhjen e shqetësimeve të banorëve, nga muzika e lartë në lokale. ▫️Gjatë kontrolleve në Tiranë, në disa lokale në ish-bllok, shërbimet e Komisariatit të Policisë Nr. 2 kanë konstatuar muzikë të lartë që përbënte shqetësim për banorët dhe kanë shoqëruar në komisariate menaxherët dhe pronarët e këtyre lokaleve. Në vijim të veprimeve, u referuan materialet në Prokurori ku u proceduan në gjëndje të lirë, për veprën penale “Prishja e qetesisë publike”, shtetasit E. G., E. Xh., A. S., E. L, E. P., të gjithë banues në Tiranë. Shërbimet e Policisë kanë sekuestruar në cilësinë e provës materiale pajisjet që gjenerojnë muzikën.
▫️Gjatë kontrolleve në Qarkun Vlorë, në një lokal, në Ksamil, Sarandë, shërbimet e Policisë, kanë konstatuar muzikë jashtë orarit të përcaktuar, duke prishur qetësinë publike. Pronari i këtij subjekti gjithashtu ka kundërshtuar mbylljen e muzikës. Në vijim të veprimeve, u referuan materialet në Prokurori ku u procedua në gjëndje të lirë, për veprat penale “Prishja e qetesisë publike” dhe “Mosbindja ndaj urdhërit të punonjësit të policisë”, pronari i këtij lokali, shtetasi S. M. Shërbimet e Policisë kanë sekuestruar në cilësinë e provës materiale pajisjet që gjenerojnë muzikën Policia e Shtetit apelon edhe njëherë për të gjithë administratorët dhe pronarët e lokaleve dhe hoteleve, që të zbatojnë me rigorozitet ligjin dhe rregullat në lidhje me ndotjen akustike, pasi në rast të konstatimit të ndotjes akustike, shërbimet e Policisë do të sekuestrojnë pajisjet që gjenerojnë muzikë dhe do të procedojnë sipas ligjit, shtetasit përgjegjës.
