DURRËS– Agravohet situata në Kampin e Muxhahedinëve në Maznë të Durrësit. Pas përplasjeve me Policinë dhe Forcat Operacionale banorët e kampit kanë përzënë Policinë nga kampi dhe kanë mbyllur portën duke i lënë jashtë. Ndërkohë deri më tani raportohet për të paktën 1 viktimë dhe dhjetëra të plagosur. RENEA, Forcat Speciale, Policia dhe Antiterrori janë në terren. 2000 efektivë janë rreth kampit dhe jashtë ambienteve të tij.
Deri më tani raportohet se me urdhër të Prokurorisë së Posaçme, Policia kanë kryer mbi 5 orë kontrolle në kuadër të luftës kundër terrorizmit. Por kjo ndërhyrje ka hasur në kundërshtinë e banorëve të kampit. Kjo ka sjellë përplasjes mes anëtarëve të MEK dhe Policisë. Banorët shprehen se janë dhunuar. Policia ende nuk ka dalë me deklaratë zyrytare.
PAMJE LIVE
Anëtarët e organizatës Muxhahedinët Popullorë të Iranit, e cila konsiderohej, deri pak vitesh, organizatë terroriste nga shumica e vendeve perëndimore, nga Mbretëria e Bashkuar dhe Bashkimi Evropian, respektivisht deri më 2008 dhe 2009, përfshirë edhe vetë SHBA-të deri në vitin 2012. Vendosja e muxhahedinëve në Shqipëri daton në vitin 2012, kur qeveria e udhëhequr në astë kohë nga Sali Berisha pranoi kërkesën e qeverisë amerikane për të pritur rreth 210 muxhahedinë të MEK. Qeveria amerikane duhej t’i shpërngulte nga baza e saj ushtarake në Irak, pas tërheqjes nga ky vend. Më tej, në 2014-ën, qeveria me kryeministër Edi Ramën, pranoi strehimin e qindra muxhahedinëve të tjerë, të cilët kanë mbërritur në vazhdimësi që atëherë në grupe të ndryshme. Më shkurt 2016 në Shqipëri mbërritën, nga kampi i tyre në Irak, 22 muxhahedinë, duke e çuar numrin total të muxhahedinëve të strehuar deri tani në vendin tonë në rreth 750. Ky numër përbën rreth 70 për qind të gjithë muxhahedinëve të MEK-ut të strehuar në vende të treta me ndërmjetësimin e SHBA-ve. MEK ishte ndër nxitësit dhe mbështetësit kryesorë të Revolucionit Iranian të vitit 1979, i cili rrëzoi regjimin e Shahut. Pas revolucionit, në Iran u vendos një sistem teokratik islamik nën udhëheqjen e Ajatullah Khoeminit, që hasi kundërshtinë e ashpër të MEK-ut që ishte kundër autokracisë islamike. Si pasojë, regjimi Iranian filloi persekutimin e anëtarëve të organizatës që detyroi drejtuesit e saj dhe mijëra anëtarë të emigronin.
