TIRANË– Ramazan Rraja, nipi i deputetit socialist Rrahman Rrajja ka kërkuar këtë të mërkurë lirimin nga burg. Në lëvizjen e tij të fundit Rraja ka bërë rekurs në Gjykatën e Lartë duke kundërshtuar masën e tij të sigurisë për “arrest me burg” të dhënë nga Gjykata e Posaçme Kundër Korrupsionit dhe Krimit të Organizuar (GJKKO).
Ramazan Rraja akuzohet nga Prokuroria e Posaçme Kundër Korrupsionit dhe Krimit të Organizuar (SPAK) për atentatin ndaj ish-prokurorit Arjan Ndoja, në vendin e njohur si mbikalimi i Shkozetit. Rraja u shpall në kërkim zyrtarisht pas dëshmisë së dhënë nga i penduari i drejtësisë Nuredin Dumani, i cili rrëfeu se pas ngjarjes së ndodhur më 1 nëntor të vitit 2021 qëndronte grupi i Plarent Dervishajt.
