GJIROKASTËR– Rudi Rozani, 49 vjeç dhe Fundim Masha, 39 vjeç janë vënë këtë të mërkurë në prangat e Policisë së Gjirokastrës pasi u kapën duke transportuar 15 emigrantë të paligjshëm në aksin nacional Gjirokastër-Tepelenë. Në cilësinë e provës materiale 2 automjetet me të cilat transportoheshin emigrantët dhe 2 celularë.
NJOFTIMI I POLICISË:
DVP Gjirokastër/Vijojnë goditjet e njëpasnjëshme ndaj veprimtarisë kriminale të dhënies ndihmë shtetasve të huaj, kundrejt pagesës, për kalim të paligjshëm të kufirit. Finalizohet operacioni policor i koduar “Road Guard 63”. U kapën në flagrancë duke transportuar kundrejt pagesës, 15 emigrantë që do të kalonin ilegalisht kufirin, vihen në pranga 2 shtetas. Sekuestrohen 2 automjetet me të cilat transportoheshin emigrantët dhe 2 celularë. Seksioni për Hetimin e Trafiqeve të Paligjshme, në vijim të punës së pandërprerë, në terren, për parandalimin, evidentimin dhe goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, mbështetur dhe në inteligjencën informative, ka finalizuar operacionin policor të koduar “Road Guard 63”, si rezultat i të cilit u bë arrestimi në flagrancë i shtetasve R. R., 49 vjeç dhe F. M., 39 vjeç, banues në Durrës. Në aksin nacional Gjirokastër-Tepelenë, shtetasit R. R. dhe F. M. janë kapur në flagrancë duke transportuar kundrejt pagesës, me 2 automjete, në drejtim të Tiranës, 15 emigrantë nga vendet MENA që kishin synim kalimin e paligjshëm në vendet fqinje. Në cilësinë e provës materiale u sekuestruan 2 automjetet dhe 2 celularë. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
