Vera e këtij viti do të jetë një nga më të mrekullueshmet që çdokush prej nesh do të kalojë. Kalendari veror në Tiranë do të jetë i tejmbushur dhe jo më 3, por 4 emra botërorë do të vijnë në kryeqytet.
Gazetarja Iva Tico, ka zbuluar se Dj Martin Garrix do të performojë së shpejti për Tiranën.
“Është në Gusht, në mes të Gushtit, në 19 Gusht, është DJ Martin Garrix që është një nga DJ më të famshëm dhe të paguar në botë. Por kemi një detaj që nuk është përcaktuar prandaj nuk kanë dalë biletat në shitje, vendi i koncertit sepse janë në bisedime ndoshta për ta spostuar diku pranë bregdetit sepse do ketë dhe shumë të rinj dhe jashtëzakonisht shumë turistë që mezi po presin. Është një DJ që ka bërë muzikë me Dua Lipën, është jashtëzakonisht i njohur.”- tha ajo.
