KRUJË– Personi që shihni në fotro është Taulant Dika, 33-vjeçari që humbi jetën një ditë më parë pasi u godit nga një makineri teksa punonte në një fasoneri në Fushë-Thumanë. Këtë të enjte Policia bën me dije se ka arrestuar administratorin e Fasonerisë, të identifikuar me inicialet F.K banues në Krujë. Sipas Policisë është munduar që të fshihet nga pronarët e fasonerisë, pasi nuk është njoftuar asnjë autoritet në vend. Ndërkohë ka dyshime se i riu, baba i dy fëmijëve të mitur mund të kishte shpëtuar nëse do i ishte dhënë ndihma e parë në kohë. Pritet që të kryehen hetime të thelluara.
NJOFTIMI I POLICISË:
Specialistët për Hetimin e Krimeve të Komisariatit të Policisë Krujë arrestuan shtetasin F. K., 48 vjeç, banues në Krujë, administrator i një fasonerie në Fushë Thumanë, pasi ditën e djeshme, në këtë fasoneri, shtetasi T. D., 33 vjeç, duke punuar me një makineri, është goditur nga një pjesë e makinerisë dhe për pasojë ka humbur jetën.
