SHKODËR– Rektorja e Universitetit të Shkodrës Suzana Golemi është pezulluar këtë të enjte nga detyra me urdhër të ministres së Arsimit dhe Sportit Evis Kushi. Në urdhrin e Kushit thuhet se Golemi pezullohet nga detyra e rektores për “shkelje të rëndë të ligjit”, pasi ajo u denoncua në emision investigativ ku iu kërkonte shuma të ndryshme monetare studentëve për të marrë provimet.
Dokumenti:
Pas pezullimit të Suzana Golemit, detyrën e rektorit do ta kryejë zëvendësrektorja Rajmonda Kërçira. Ajo është pezulluar me afat të pacaktuar. Vendimi për pezullimin e Golemit u mor për shkak të shkeljeve të rënda të ligjit pas publikimit të një videoje dje (21 qershor) në një emision investigativ ku denoncohet fakti se u paguan 150 euro për të marrë një provim.
