TIRANË– Deputeti i Partisë Demokratike Dashnor Sula i ndalur në video-skandalin ku u përfshi ish-kryebashkiaku i Kukësit Safet Gjici, ishte i ashpër në qëndrimin e tij gjatë fjalës në Kuvend. Sula tha se zyrat e shtetit janë kthyer në “bordello dhe askush nuk flet” dhe si arsye për këtë të heshtje sipas tij janë interesat për të marrë tendera. Një trhjirrje deputeti demokrat e kishte dhe për opozitës, së cilës i bëri thirrje që të mos “mbyllë sytë” por të denoncojë rastet e korrupsionit.
Dashnor Sula: I keni kthyer zyrat e shtetit në bordello, dhe tu vij turp. Ka pasur problematika gjithmonë, por e dimë të gjithë që nuk reagojnë. Ky vend po shkon drejt greminës, sepse po ngel vetëm një parti dhe vetëm një regjim, dhe opozita nuk po bën punën dhe nuk denoncon sepse janë të lidhur me biznese. Të dalë opozita këtu dhe të denoncojë kush janë ata që janë të lidhur dhe bëjnë biznese marrin tendera, si nga kjo parti e nga partia tjetër. E turpshme që për nja mandat t’i lëpihet pushtetit dhe për të marr një rrogë, dhe ajo rritje rroge që u bë, u bë për të na mbyllur gojën ju e ne.
