ITALI– Iralt Merdita, 28 vjeç ka humbur tragjikisht jetën në një aksident të rëndë mbrëmjen e djeshme në Breshia të Italisë, teksa udhëtonte me një motor tip “Honda”. Merdita u përplas nga një “Passat” pranë një karburanti. Mediat italiane shkruajnë se i riu me origjinë shqiptare sapo kishte mbyllur punën dhe po shkonte të darkonte me familjen e tij, një darkë që u kthye në zi pasi aksidenti përgjaku mbrëmjen.
I riu u dërgua menjëherë në spital por fatkeqësisht nuk mundi tu mbijetonte dot plagëve të shumta duke gjetur vdekjen në kujdesin intensiv në të gdhirë të 22 qershorit. 28-vjeçari punonte si mekanik dhe kishte disa muaj që punonte në Leno. Në vetëm tre muaj kishte fituar besimin dhe vlerësimin e kolegëve dhe të pronarit: “Ishte djalë shumë i mirë: i arsimuar, i përgjegjshëm, i disponueshëm”, tha me një zë të thyer nga dhimbja.
Dinamika e aksidentit dramatik, që ndodhi në orën 20 të së mërkurës së 21 qershorit, është ende duke u shqyrtuar nga karabinierët e Dellos, nuk ka pasur dëshmitarë dhe karabinierët po shqyrtojnë kamerat në zonë për të sqaruar shkaqet. Gruaja pas timonit të Passat-it, një 40-vjeçare shqiptare nga Leno, ka pësuar tronditje të rëndë dhe është dërguar në spitalin e Manerbios për mjekim dhe analiza të nevojshme.
