TIRANË– Është shtyrë sërish seanca e parashikuar të mbahet këtë të enjte në Gjykatën e Posaçme Kundër Korrupsionit dhe Krimit të Organizuar (GJKKO) në lidhje me inceneratorin e Elbasanit. Shkak për shtyrjen këtë të herë mësohet të jetë bërë kërkesa e mbrojtjes për më shumë kohë që të përgatitet.
Ndërkohë sot, u bë mbrojtja vetëm për Jonida Zeqon. Avokati Sajmir Visha kërkoi pushimin e çështjes, pasi kjo çështje është gjykuar njëherë nga prokuroria e Elbasanit dhe SPAK nuk është organ më i lartë se prokuroria e Elbasanit. Seanca e radhës pritet të mbahet më datë 6 korrik.
