TIRANË– Pas më shumë se gjashtë orësh në ambientet e Prokurorisë së Posaçme Kundër Korrupsionit dhe Krimit të Organizuar ish-ministri Arben Ahmetaj ka dalë nga ambientet e SPAK. Ai nuk dha komente për mediat se për çfarë ishte thirrur ndërsa u tregua i gatshëm që të vijë sa herë të thirret. Pyetjes se ai i druhet një arrestimi të mundshëm Ahmetaj zgjodhi të mos i përgjigjej.
Arben Ahmetaj: Sqaruam pozicionin. faleminderit.
Pyetje: I druheni arrestimit?
Arben Ahmetaj: Faleminderit
Pyetje: Do vini sërish?
Arben Ahmetaj: Të jeni mirë të gjithë. Sa herë të duhet.
Ish-ministri Arbnen Ahmetaj është nën hetim nga Prokuroria e Posaçme Kundër Korrupsionit dhe Krimit të Organizuar (SPAK) për veprat penale: “Korrupsion”, “shpërdorim detyre”, “fshehje e pasurisë” dhe “pastrim parash”. SPAK ka sekuestruar disa vila që janë pronë e ish-gruas dhe partneres aktuale të Ahmetajt.
