Sot në Bruksel, pas takimit me Borrel, Albin Kurti është duke mbajtur një takim me presidentin e Serbisë, Aleksandër Vucic. Ambasadori i SHBA në Kosovë, Jeffrey Hovenier, ka dhënë një intervistë ditën e sotme pas takimit me Vjollca Osmanin, me të cilën biseduan për një sërë problemesh.
“BE-ja ka qenë e qartë dhe SHBA-ja e ka mbështetur planin tre-pikësh për të arritur de-easkalimin në Veri, duhen zgjedhje të parakohshme me pjesëmarrje të serbëve dhe të vazhdojmë me implementimin e plotë nga të dy palët të marrëveshjeve që janë arritur. Shpresa jonë është që kështu të dalim nga kjo situatë”, ka thënë Hovenier në një intervistë për RTV21.
