GREQI– Një 54-vjeçar me origjinë shqiptare i akuzuar për trafik droge do të ulet sot në bankën e Gjykatës Njëanëtarëshe të Apelit për Krimet e Dodekanezit. Shqiptari u arrestua në flagrancë teksa merrte 20 kallëpe hashashi nga një godinë e braktisur e ushtrisë në ishullin Kos.
Rasti u zbardh në gusht të vitit 2016 nga oficerët policorë të Departamentit të Sigurisë së Kos, pasi kishin shfrytëzuar informacionet që kishin në dispozicion për shpërndarjen e lëndëve narkotike nga 54-vjeçari, te të varurit nga droga në zonë. Oficerët e policisë kanë vënë nën vëzhgim të matur shqiptarin, i cili pasditen e 9 gushtit 2016, ka shkuar në një godinë të braktisur të ushtrisë në qytetin e Kos, për të marrë prej andej një sasi lënde narkotike që kishte fshehur!
Efektivët e policisë arrestuan 54-vjeçarin shqiptar, teksa merrte gati për asgjësim 20 pako plastike (“klipe”) me kanabis të papërpunuar me peshë totale 83.5 gram. Është konfiskuar droga si dhe një celular dhe shuma prej 355 euro. I arrestuari me çështjen penale të ngritur ndaj tij për posedim të lëndëve narkotike me qëllim trafikim, është dërguar në Prokurorinë e Kundërvajtjeve për procedim të mëtejshëm.
