TIRANË-Komisariati Rajonal i Policisë Rrugore Tiranë, në bashkëpunim me Komisariatet në varësi të DVP Tiranë, kanë ngritur disa pika evidentimi, me qëllim kontrollin e automjeteve dhe motomjeteve, dhe se sa prej tyre i kanë shlyer masat administrative. Gjatë kontrollit që policia ka bërë ditën e sotme rezultojnë se 104 automjete kanë kaluar afatin mujor dhe nuk kanë paguar gjobat e vëna prej policisë. Kjo e fundit po merr masa dhe drejtuesit e automjeteve janë këshilluar për shlyerjen e gjobave brenda afatit mujor.
NJOFTIMI I POLICISË:
DVP Tiranë. Komisariati Rajonal i Policisë Rrugore Tiranë, në bashkëpunim me Komisariatet në varësi të DVP Tiranë, ditën e sotme, në zbatim të planit operacional për kontrollin e automjeteve dhe motomjeteve që qarkullojnë ndërkohë që kanë disa masa administrative të pashlyera, kanë ngritur pika kontrolli me qëllim evidentimin e drejtuesve të këtyre mjeteve dhe vënien e tyre përpara përgjegjësisë ligjore. Gjatë ditës të sotme, janë kontrolluar në total 932 mjete dhe motomjete. 102 prej tyre kanë rezultuar se kanë kaluar afatin njëmujor të shlyerjes së masave administrative dhe po kryhen veprimet procedurale nga shërbimet e Qarkullimit Rrugor, ndërsa janë këshilluar për shlyerjen e tyre, drejtuesit e automjeteve që janë brenda afatit njëmujor. Plani operacional do të vazhdojë dhe në ditët në vijim.
