TIRANË– Komisioni Qëndror i Zgjedhjeve ka vendosur këtë të premte që përsëritja e zgjedhjeve në Bashkinë e Rrogozhinës të mbahen më 23 korrik. Ky vendim vjen pas atij të Kolegjit Zgjedhor që vendosi përsëritjen e zgjedhjeve në këtë bashki pas shkeljeve të vërtetuara.
Në zgjedhjet e 14 majit, në bashkinë Rrogozhinë triumfoi kandidati i Partisë Socialiste Edison Memolla me 21 vota diferencë nga kandidati i koalicionit ‘’Bashkë Fitojmë’’, Shkëlqim Hoxha. Ky i fundit e kundërshtoi këtë proces duke hedhur dyshime për manipulime tek kutia e burgut, e cila dhe i dha fitoren Memollës.
