KORÇË-Niko Peleshi, është një politikan shqiptar i cili aktualisht është Ministër i Mbrojtjes nga Korca, i cili ka marrë pjesë në konstituimin e këshillit bashkiak. Ashtu sikurse dhe kujtdo tjetër dhe Peleshit iu drejtua pyetja lidhur me ndërhyrjen e policisë në MEK.
Peleshi deklaroi se ndërhyrja e tyre ka qenë padiskutim e drejtë dhe ka qenë në respekt të plotë të ligjeve të shtetit shqiptar.
“Sa i përket vijimit, ne jemi të vendosur që të mos lejojmë të krijohen ishuj ku të tejkalohen ligjet. Ne jemi treguar tolerantë brenda kufijve të lejuar. Ne do vazhdojmë të jemi vend pritës, dhe gjithë ato angazhimet që kemi marrë për këtë komunitet, ne do t’i zbatojmë por pa lejuar të shkelen rregullat shqiptare.”- shtoi ai.
Një tjetër pyetje e drejtuar për Peleshin ka qenë në lidhje me situatën që po ndodh në veri të Kosovës, ku gjithashtu dhe Peleshi ka kërkuar menjëherë lirimin e 3 policëve të rrëmbyer prej forcave serbe.
