VLORË– Dy persona kanë rënë në prangat e Policisë së Vlorës këtë të shtunë pasi akuzohen për vjedhje. Blutë e Vlorës bëjnë me dije se A. A., 37 vjeç dhe M. T., 38 vjeç, të dy banues në Tiranë te shesh-pushimi në Llogara, kanë vjedhur nga automjeti i një personi, një shumë parash në lekë dhe në euro. Ndërsa një 38-vjeçar është vënë nën hetim pasi dyshohet se nga objekti në pronësi të tij, në lagjen “1 Maji”, Himarë, janë derdhur ujëra të zeza që kanë shkaktuar ndotje të mjedisit.
NJOFTIMI I POLICISË:
Policia e Vlorës ka arrestuar në flagrancë shtetasit A. A., 37 vjeç dhe M. T., 38 vjeç, të dy banues në Tiranë, pasi dyshohet se ditën e djeshme, te shesh-pushimi në Llogara, kanë vjedhur nga automjeti i një shtetasi, një shumë parash në lekë dhe në euro.
Po ashtu, specialistët për Hetimin e Krimeve të Komisariatit të Policisë Himarë referuan materialet në Prokurori ku nisi procedimi në gjendje të lirë për shtetasin E. C., 38 vjeç, pasi dyshohet se nga objekti në pronësi të tij, në lagjen “1 Maji”, Himarë, janë derdhur ujëra të zeza që kanë shkaktuar ndotje të mjedisit.
