KAVAJË-Një i moshuar i identifikuar me inicialet Y.L ka humbur jetën këtë të shtunë pasi u përplas për vdekje nga një makinë që drejtohej nga një 29-vjeçar. Policia bën me dije se aksidenti u regjistrua në rrugën dytësore Kavajë-Mali i Robit. Ndërkohë I riu është shoqëruar në Polici dhe po merret në pyetje.
NJOFTIMI I POLICISË:
Rreth orës 14:10, në rrugën dytësore “Kavajë-Mali i Robit”, automjeti me drejtues shtetasin S. K., 29 vjeç, ka përplasur biçikletën me të cilën lëvizte shtetasi Y. L., rreth 80 vjeç. Nga përplasja shtetasi Y. L. ka humbur jetën, ndërsa 29-vjeçari është shoqëruar në Komisariat, për kryerjen e veprimeve të mëtejshme procedurale.Grupi hetimor vijon punën për të përcaktuar shkakun e këtij aksidenti.
