DIVJAKË– Vijon të jetë problematike situata në vendin tonë për shkak të motit të keq. Reshjet e shiut të rëna me intensitet të lartë gjatë dy ditëve të fundit ka bërë që lumi Shkumbin të dalë nga shtrati dhe të rrezikojë tokat bujqësore në zonën e Çermës në Divjakë.
Banorët shprehen të shqetësuar pasi sipas tyre u janë përmbytur tokat bujqësore, kryesisht të mbjella me foragjere dhe grurë. Më problematike situata është për banorët e zonave afër shtratit të lumit. Banorët shprehen të shqetësuar nga rritja e prurjeve në Shkumbin. Sipas tyre u rrezikohen jo vetëm tokat bujqësore por edhe banesat.
