TIRANË– Pesë persona kanë rënë në prangat e Policisë së Tiranës këtë të hënë pasi akuzohen për vepra të ndryshme penale. Përmes një njoftimi për mediat Policia bën me dije se një 25-vjeçar i identifikuar me iniclaet B.M u arrestua pasi gjatë kontrollit fizik, në rrugën “Pandi Dardha”, shërbimet e Policisë, i gjetën dhe sekuestruan sasi të vogël lënde të dyshuar narkotike kokainë. Ndërsa një dy të tjerë në Kamëz janë arrestuar pasi kanë ushtruar dhunë tek familjarët e tyre. Ndërkohë një 18-vjeçar u kap duke drejtuar mejtin në gjendje të dehur. Po ashtu dhe në 35-vjeçar u kap duke drejtuar në gjendje të dehur, mjetin tip “Ford”.
NJOFTIMI I POLICISË:
Specialistët për Hetimin e Narkotikëve arrestuan shtetasin B. M., 25 vjeç, banues në Tiranë, pasi gjatë kontrollit fizik, në rrugën “Pandi Dardha”, shërbimet e Policisë, i gjetën dhe sekuestruan sasi të vogël lënde të dyshuar narkotike kokainë. Specialistët për Hetimin e Krimeve të Komisariatit të Policisë Nr. 5 arrestuan shtetasit B. D., 57 vjeç, dhe G. D., 25 vjeç, të dy banues në Kamëz, pasi kanë ushtruar dhunë ndaj familjarëve të tyre. Specialistët e Qarkullimit Rrugor arrestuan shtetasit: – E. K., 35 vjeç, banues në Tiranë, pasi në rrugën “Njazi Meka”, u kap duke drejtuar në gjendje të dehur, mjetin tip “Ford”; – Sh. S., 18 vjeç, banues në Belgjikë, pasi në bulevardin “Bajram Curri”, u kap duke drejtuar pa leje drejtimi, mjetin tip “Volksëagen”. Më datë 26.06.2023 është paraqitur në komisariat shtetasi R. O., 34 vjeç, i cili ka kallëzuar se në rrugën “Ali Visha”, është kanosur me fjalë nga një shtetas që nuk e njeh. Punohet për sqarimin e rrethanave të ngjarjes. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
