GREQI– Dy shqiptarë janë vënë në prangat e Policisë greke një natë më parë pasi akuzohen për spiunazh. Raportohet se dy shqiptarët të moshave 63 dhe 67 vjeç ishin pikasur më herët nga personeli i Marinës duke hyrë dhe vëzhguar në Stacionin Detar të Salamis.
Sipas mediave greke dy shqiptarët kanë pohuar se ishin nën efektin e alkoolit, e pasi u testuan rezultoi se kishin konsumuar vërtet sasi alkooli. Pavarësisht kësaj mësohet se ata vijojnë të qëndrojnë nën masën e arrestit me burg ndërsa pritet që të dalin dhe para Prokurorisë.
