VLORË– Personi që shihni në foto është 33-vjeçari Tonin Ramaj (Hosaj), i cili mbeti i plagosur me armë zjarri poshtë pallatit ku banonte në lagjen “Pavarësia” në Vlorë. Ramaj rezulton me dy mbiemra ndërsa ngjarja është ende e paqartë se si ka ndodhur. 33-vjeçari mori katër plumba në këmbë nga autori ende i paidentifkuar. Pas ngjarjes ai u arratis ndërsa Policia është vënë në ndjekje të tij ku janë ngritur pika të shumta kontrolli me qëllim kapjen e tij. Por nuk përjashtohet mundësia që të kenë qenë dy autorë të përfshirë në ngjarje.
NJOFTIMI I POLICISË:
Vlorë/Informacion paraprak. Sot rreth orës 12:25, në lagjen “Pavarsia 3”, dyshohet se në rrethana ende të paqarta, është plagosur me armë zjarri shtetasi T. R (H), 33 vjeç, banues në Vlorë, i cili ndodhet nën kujdesin e mjekëve. Shërbimet e Policisë kanë shkuar menjëherë në vendngjarje, kanë rrethuar zonën dhe vijon krehja e saj për kapjen e autorit. Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorit.
