VLORË– Një aksident i rëndë është rregjistruar mbrëmjen e së hënës, rreth orës 20:00 në Vlorë, ku një 22-vjeçar ka përplasur një të mitur, 11-vjeçe me motor. Shkaqet nuk dihen ende por policia ka shkuar në vendngjarje për zbardhjen e çështjes.
NJOFTIMI I POLICISË
Sot, rreth orës 20:30, në lagjen “Hajro Çakërri”, në vendin e quajtur “Xhamia”, shtetasi H. B., 22 vjeç, duke drejtuar motomjetin tip “Niponia”, ka aksidentuar një shtetase të mitur, rreth 11 vjeçe, si pasojë kanë ngelur të dëmtuar të dy këta shtetas, të cilët ndodhen në spital, nën kujdesin e mjekëve. Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
