RRESHEN– Një aksident i rëndë është regjistruar mëngjeisn e kësaj të marte në aksin rrugor Rubik-Fang ku një autobus ka aksidentuar për vdekje një 72-vjeçar, i cili lëvizte me biçikletë. I moshuari ka ndërruar jetë në vendin e ngjarjes për shkak të goditjes së fortë dhe plagëve të marra. Ndërkohë Policia bën me dije se drejtuesi i autobusit është shoqëruar në polici dhe po merret ne pyetje. Grupi hetimor po punon për zbardhjen e plotë të shkaqeve të aksidentit.
NJOFTIMI I POLICISË:
Mirditë/Informacion paraprak. Rreth orës 09:30, në aksin rrugor “Rubik-Fang”, autobusi me drejtues shtetasin E. R., 60 vjeç, banues në Kosovë, me drejtim lëvizjeje “Morinë-Durrës”, ka përplasur një biçikletë me të cilën lëvizte shtetasi N. P., 72 vjeç, banues në fshatin Fang, Rubik. Si pasojë e përplasjes, shtetasi N. P. ka humbur jetën në vendngjarje, ndërsa nga autobusi nuk është dëmtuar asnjë pasagjer. Drejtuesi i autobusit, shtetasi E. R. është shoqëruar në ambientet e Policisë, për kryerjen e veprimeve të mëtejshme procedurale. Në vendin e ngjarjes ndodhen shërbimet e Policisë Rrugore të Njësisë për Sigurinë e Autostradës “Milot-Morinë”, dhe grupi hetimor vijon punën për përcaktimin e shkakut të këtij aksidenti.
