BRUKSEL– Pas takimit me Presidentin e Këshillit Europian Charles Michel një ditë më parë, këtë të martë kryeministri Edi Rama është takuar me Presidenten e Komisionit Europian Ursula Von der Leyen. Detajet nga takimi i ka ndarë Von der Leyen. Ajo shprehet se ka diskutuar me Ramën për anëtarësimin e Shqipërisë në Bashkimin Europian.
POSTIMI:
Takimi shumë i mirë me Edi Ramën. Diskutuam progresin në rrugën e anëtarësimit të Shqipërisë në BE dhe planin tonë të ri të rritjes për Ballkanin Perëndimor. Kjo do të afrojë rajonin dhe BE-në dhe do të nxisë prosperitetin e partnerëve tanë.
