TIRANË– Mijëra besimtarë myslimanë janë mbledhur këtë të mërkurë në sheshin “Skëndërbej” faljen e namazit të Kurban Bajramit. Falja nisi në orën 06:00.
Kreu i Komunitetit Mysliman Shqiptar Bujar Spahiu tha se kjo ditë të shërbejë si një ditë reflektimi për secilin nga ne. Po ashtu ai bëri thirrje për më shumë dashuri e miqësi ndaj njëri-tjetrit. Një mesazh kishte dhe për situatën e tensionuar në veri të Kosovës.
Bujar Spahiu: I lutem Zotit që ky Bajram të shërbejë si reflektim i brendshëm për çdo njeri. Të bëhemi më të fortë në besim ndaj Zotit, më të dashur e solidarë me njëri-tjetrin. T’u shtrijmë dorën e ndihmës atyre që kanë më shumë nevojë. I lutem Zotit që në botë të mbizotërojë paqja dhe prosperiteti mes popujve. I lutem Zotit që vëllezërit dhe motrat tona në Kosovë të gjejnë durimin dhe maturinë e duhur për të përballuar situatat e fundit të tensioneve dhe provokimeve në Veri të Kosovës. I lutem Zotit që kombi ynë të përparojë në çdo aspekt. Edhe një herë dua t’i uroj përzemërsisht gëzuar Kurban Bajramin çdo familje shqiptare
