TIRANË– Zbardhen përgjimet që fundosën grupin kriminal që merrej me trafikimin e drogës nga vendet e Lindjes së Mesme në Shqipëri e Greqi dhe më pas drejt Bashkimit Europian. Nga përgjimet e Prokurorisë së Posaçme Kundër Korrupsionit dhe Krimit të Organizuar dhe autoritetet italiane, ka rezultuar se Artan Agalliu ka udhëtuar me një makinë tip Puegeot së bashku me Spiro Çapin. Ky i fundit ishte shoferi. Ndërkohë grupi dëgjohet duke biseduar me njëri-tjetrin me kode.
Në orën 14:31 të asaj dite rezulton se Artan Agalliu ka komunikuar me Artur Sulajn. Ky i fundit i flet për sasi lënde narkotike, që mes anëtarëve të grupit flitej për “vezë”.
Artur Sulaj: He mo. Ke vezë këtu sot?
Artan Agalliu: Jo jo akoma të shikojmë.
Artur Sulaj: Eeeee.
Artan Agalliu: Lëre të shofim….
Artur Sulaj: S’i ke mbledh akoma e?
Artan Agalliu: Jo akoma s’i kam mbledh!!
1 orë e 30 minuta më vonë, Agalliu ka folur sërish me Sulajn, ku kësaj here e lajmëron që të merrte “vezët”.
Artur Sulaj: He?
Artan Agalliu: Hajde merr vezët.
Artur Sulaj: Hajt erdha.
Artur Sulaj: He të q* nanën! Pse u sillen karabinierët aty!
Arian Tola: Ju ka ra në sy se….
Artur Sulaj: Ka bo dy xhiro ai!! A të q* robt. Na ngeli hape ajo!!
Arian Tola: Do hy unë ta mbyll, kur të shkarkosh.
Artur Sulaj: Duhet me i vu i pjastër që del tej përtej… sa janë ato?
Arian Tola: Sipër o burrë. Nji e dhjetë.
Artur Sulaj: Kanë qenë në ndjekje këto o burrë!
Arian Tola: Ëëë?
Artur Sulaj: Se nuk ishte ai që erdhi radhës tjetër.
Artur Sulaj: S’ka mundësi, se kanë kapë!
Arian Tola: S’ka mundësi…
Artur Sulaj: S’ka se po të ishte do ishte ba alarmante aty në zone!! Njiqind makina….
…ora 07:31:50;
Artur Sulaj: Pse e ka çu ke veni?!
Arian Tola: Po ka kamera…
Artur Sulaj: Ka kamera?
Arian Tola: E ka kamera.
Artur Sulaj: Kamerave ja kam frikën!
Arian Tola: Pse?
Artur Sulaj: Tregojnë o burrë se filmojnë, ja ti marri nokush kamerat. Anash rruge nuk ka kamera, kontrollova unë, aty te gardhi ka kamera….
Arian Tola: (Nuk kuptohet.)
Artur Sulaj: Pikërisht se ishte e kthyme te rrugica ku kalojshin kamionat te rrugica e pe!
Arian Tola: (Nuk kuptohet)
