TIRANË– Kryetari i Partisë Demokratike Sali Berisha ka qenë i ashpër në fjalën e tij në Kuvend. Në “shënjestrën” e kreut të PD-së ishte ministri i Brendshëm Bledi Çuçi dhe kryeministri Edi Rama.
I ndalur tek sulmi fizik ndaj tij në protestën e 6 dhjetorit lideri i demokratëve u shpreh se ai ishte një sulm i përgatitur nga kreu i qeverisë për të rrëzuar opozitën. Berisha tha më tej se edhe sikur të mbledhë trafikantët e vrasësit e të gjithë vendit, nuk do të arrinte ta mposhtte PD-në.
Sali Berisha: Jam këtu për ti thënë se me aktin më korruptim, ke arritur të blesh dhe shesësh, deklarata, deputetë, kryetarë opozita e të tjerë me radhë, por ata kanë marrë fund, kanë shkuar dhe janë arkivuar siç do të arkivohesh dhe ti në kohët që vijnë.
Edi Rama duke nxjerr në mes të rrugës një kriminel një informator të policisë kriminale, të përgatitur me ministrin e familjes që në kohëra të ndryshme ndajnë të njëjtën bashkëshorte. Edi Rama mendoi se kjo është rruga për të triumfuar mbi opozitën. Por i them këtu se të gjithë kriminelët e Shqipërisë po ti mbledhësh, të gjithë vrasësit po ti fusësh në këtë sallë, se të gjithë trafikantët, kurrë nuk do të mund të mposhtësh opozitën dhe popullin opozitar. Qytetarë dhe qytetare, unë kam marrë mijëra mesazhe nga ju. Në tërësi ato konvergojnë në përgjigjen që duhet ti japim Edi Ramës dhe unë ju garantoj se përgjigje tjetër përveç asaj që thoni ju, nuk kam imagjinuar dhe nuk mendoj. Një përgjigje të përbashkët, solemne kundër këtij armiku, i cili nuk ka normë morale, parim, kundër këtij burracaku, frikacaku që zgjedh një ditë të rëndësishme për shqiptarët për të kryer krimin, duke shprehur se ajo do të shërbente si maskë, mbulesë për të.
