FRANCË– Vrasja e 17-vjeçarit Nael M nga Policia franceze ka bërë që parizienët të dalin në protesta të dhunshme ku kanë djeguar e kanë shkatërruar gjithçka që u ka dalë përpara në shenjë revolte. Adoleshenti, një franko-algjerian u qëllua për vdekje me plumb në gjoks nga një efektiv me pretendimin se se ai nuk i ishte bindur urdhrit pëe të ndaluar. Vrasja u përshkrua nga dëshmitarët si ‘një ekzekutim’ dhe videoja që është shpërndarë nëpër rrjete sociale ka nxitur zemërimin ndaj policisë të cilët fillimisht pretenduan se qëlluan adoleshentin pasi shoferi i përplasi me makinën e tij.
Të rinjtë dolën në rrugë duke vënë zjarrin kazanëve dhe duke hedhur fishekzjarre ndaj policisë. Ndërsa ra nata, makinat dhe ndërtesat u dogjën dhe dhuna u përhap në periferi të tjera anembanë qytetit. Oficeri i policisë që qëlloi djalin prej mbrëmjes së djeshme ndodhet në paraburgim dhe ministri i Brendshëm Gerald Darmanin bëri apel për qetësi. Makinat dhe koshat e plehrave u dogjën dhe stacionet e autobusëve u shkatërruan. Në afërsi të komisariatit u hodhën edhe disa fishekzjarrë. Policia përdori gaz lotsjellës për të shpërndarë protestuesit, disa prej të cilëve krijuan barrikada gjatë gjithë natës. Deri në mëngjesin e sotëm policia kreu 24 arrestime. Ndërkohë familja e tij ka publikuar një foto të Naelit të buzëqeshur, së bashku me fjalët: ‘Dashuria e jetës sonë’.
Lidhur me ngjarjen ka reaguar edhe presidenti i Francës, Emmanuel Macron i cili tha se ishte shumë i prekur dhe e cilësoi ngjarjen si të pafalshme.
