DURRËS– Prokuroria e Posaçme Kundër Korrupsionit dhe Krimit të Organizuar (SPAK) në bashkëpunim dhe me Policinë dhe Forcat e Ndërhyrjes së Shpejtë kanë kryer sërish këtë të enjte kontrolle në kampin e muxhahedinëve MEK në Manzë të Durrësit. Mësohet se forcat e policisë janë vendosur në hyrje të kampit Ashraf 3 dhe kontrollojnë të gjithë mjetet që dalin nga kampi.
Ndryshe nga një javë më parë ku kontrolli u shoqërua me përplasje të dhunshme me Policisë dhe banorëve këtë herë situata është e qetë dhe nuk janë regjistruar tensione. Ndërkohë në lidhje me aksionin e parë ku dhe u sekuestruar servera dhe pajisje elektronike SPAK ka kërkuar mbështetjen e partnerëve ndërkombëtarë për të bërë të mundur zhbllomimin e tyre dhe leximin e materialeve që ndodhen brenda tyre.
