SHKODËR– Shpërthim me eskploziv në lagjen “10 Korriku” të Shkodrës. Raportohet se një sasi plasëse tritol është vendosur në orët e para të mëngjesit në pjesën e jashtme të garazhit(te dera) në pronësi të Agim Urajt. Fatmirësisht janë regjistruar vetëm dëme materiale. Policia ka nisur hetimet në lidhje me ngjarjen dhe po punon për zbardhjen e saj.
NJOFTIMI I POLICISË:
Në lagjen ‘’10 Korriku’’, në rrugën e ‘’Karahases’’, në orët e para të mëngjesit, në pjesën e jashtme të garazhit(te dera), në pronësi të shtetasit A. U., 52 vjeç, dyshohet se është hedhur një sasi e vogël lëndë plasëse, duke shkaktuar vetëm dëme të vogla materiale. Grupi hetimor ndodhet në vendngjarje dhe vijon punën për zbardhjen e rrethanave të ngjarjes si dhe identifikimin dhe kapjen e autorit/ve.
