TIRANË– Përplasjet brenda Partisë Demokratike janë transferuar dhe në Kuvend. Kështu në seancën e sotme plenare teksa kryetarja e Kuvendit lexonte emrin e deputetëve që do të mbanin fjalën, deputetja Albana Vokshi dhe të tjerë që mbështesin Sali Berishës figuronin si deputetë jashtë grupeve parlamentare dhe jo si të PD.
Për këtë ka reaguar ashpër deputetja Albana Vokshi, e cila i kërkoi kryeparlamentares Lindita Nikollës që ta rregullonte menjëherë ‘gabimin’ përndryshe ajo do e padiste në Gjykatë për abuzim me postin.
“Po i referohem Bylykbashit, sa i përket Albana Vokshit jashtë grupeve, jo unë jam deputete e PD keni bërë një gabim shumë të madh ne shkelje ligjore, që mua dhe 4 kolegeve të tjerë KQZ na konsideron si pjesë e PD dhe nëse nuk e ktheni atje ku kemi qenë, si deputete e PD-së, do ju padisë për abuzim me postin tuaj, mjaft më me dhunën ndaj opozitës”, tha Albana Vokshi.
