TIRANË– Aksidentet rrugore kanë shkaktuar një bilanc tragjik këtë të enjte në vend. Kështu që në orët e para të mëngjesit u raportua për një aksident të rëndë të regjistruar në aksin rrugor Zejmen-Tale në vendin e quajtur “Ura e Prekanit” ku një 19 vjeçar i identifIkuar me inicialet G. N., duke drejtuar automjetin e tij është përplasur me automjetin e drejtuar nga 53-vjeçari F. Ll. Për pasojë ka ndërrur jetë një 79-vjeçar i identifkuar me inicilaet N.Ll. Ky i fundit ishte pasagjer në mjet.
Jo shumë vonë nga aksidenti fatal në Lezhë njjë tjetër aksident u regjistrua në aksin Korçë-Pogradec, afërsi të fshatit Gurishtë, Maliq. Një mjet humbi kontrollin duke përfunduar ne një arë. Për pasojë mbeti i plagosur rëndë shoferi, i cili u dërgua menjëherë në spital. Pasi mori ndihmën e parë në spitalin e Korçës ai u nis për në spitalin e Traumës për mjekim më të specializuar. Ndërkohë makina tip “BMW” përfundoi duke u bërë copash.
Një tjetër aksident i rëndë u regjistrua pasditën e kësaj të enjteje në Librazhd. Një makinë tip “Mitsubishi”që drejtohej nga një 64-vjeçar i identifikuar me inicialet I.S doli nga rruga dhe përfundoi jashtë saj. Për pasojë mbeti i plagosur shoferi dhe pesë personat që udhëtonin me të në mjet. Mes të plagosurve ishin dhe dy të mitur. Ata u dërguan në spital dhe fatmirësisht ndodhën jashtë rrezikut për jetën.
Në Maliq një makinë përplasi një këmbësor. Përplasja ishte aq e fortë saqë këmbësori ka përfunduar për 15 metra në ajër duke përplasur më pas në asfalt. Për disa minuta deri në mbërritjen e autoambulancës që sipas dëshmitarëve është vonuar ai qëndroi i dergjur në rrugë siç e tregojnë dhe pamjet e siguruara nga Newszone.al.
Ndërkohë saga e gjatë aksidenteve të regjistruara këtë të enjte do të rëndohej në bilancin e viktimave pasi një motor doli nga rruga në Korçë dhe për pasojë drejtuesi i tij humbi jetën në duart e bluzave të bardha. Ai humbi kontrollin e motomjetit duke u përplasur me trafikndarësen.
Sipas Policisë deri më tani shkak për aksidentet dyshohet të jetë bërë shpejtësia e lartë dhe lagështia në rrugë për shkak të reshjeve të shiut që përfshinë juglindjën këtë të enjte. Pavarësisht ashpërsimit të masave aksidentet rrugore për shkak të shpejtësisë së lartë vijojnë të regjistrojnë puthuajse çdo ditë viktima në rrugët e vendit duke e “përgjakur” asfaltin e zi./Newszone
